شاہین کی جگہ رضوان کو قومی ٹیم کا کپتان بنایا جائے سابق کرکٹر کا مطالبہ

باسط علی نے دورہ نیوزی لینڈ میں شاہین کی کپتانی پر تنقید کے نشتر چلادیئے (فوٹو: پی سی بی)

---

سابق کرکٹر باسط علی نے وکٹ کیپر بیٹر محمد رضوان کو ٹی20 میں قومی ٹیم کا کپتان بنانے کی تجویز دیدی۔

مقامی ٹی وی چینل پر پاکستان سپر لیگ (پی ایس ایل) کے حوالے سے خصوصی شو میں گفتگو کرتے ہوئے باسط علی نے چیئرمین پی سی بی محسن نقوی سے مطالبہ کیا کہ وہ شاہین آفریدی کی جگہ محمد رضوان کو کپتان نامزد کریں۔

انہوں نے دورہ نیوزی لینڈ پر شاہین آفریدی کی کپتانی کو تنقید کا نشانہ بناتے ہوئے کہا کہ بابراعظم کو کپتانی سے ہٹائے جانے کے بعد کیویز کیخلاف 1-4 سے شکست پر فاسٹ بولر کو کپتانی کے عہدے سے ہٹا دینا چاہیے۔

مزید پڑھیں: کس کی کور ڈرائیو سب سے زیادہ اچھی ہے؟ شاہین، عامر کے دلچسپ جواب

دوسری جانب پاکستان سپر لیگ کے نویں ایڈیشن میں شاہین آفریدی لاہور قلندرز کی قیادت کے فرائض سرانجام دے رہے ہیں تاہم انکی قیادت میں رواں سیزن میں قلندرز کو اپنے ابتدائی 3 میچز میں شکست منہ دیکھنا پڑا ہے۔

مزید پڑھیں: پی ایس ایل9؛ سلطانز کے اونر بھی بابراعظم کے نعروں سے لطف اٹھانے لگے

ملتان سلطانز کی کپتانی محمد رضوان کے سپرد ہے انکی قیادت میں سلطانز نے ابتک چار میچز میں 3 فتوحات حاصل کی ہیں جبکہ ایک میچ میں شکست ہوئی ہے۔