ٹی20 لیگز کے بارے میں آئی سی سی کا دہرا معیار سامنے آگیا

آئی پی ایل کیلیے خصوصی ونڈو، فارمولا دیگر ملکوں میں عدم دستیاب

Sports Reporter February 25, 2024

آئی پی ایل کیلیے خصوصی ونڈو، فارمولا دیگر ملکوں میں عدم دستیاب۔ فوٹو: ایکسپریس ویب

ٹی 20 لیگز کے بارے میں آئی سی سی کا دہرا معیار سامنے آگیا۔

آئی سی سی کا ٹی 20 لیگز کے بارے میں دہرا معیار سامنے آگیا جب کہ آئی پی ایل کیلیے خصوصی ونڈو دستیاب رکھنے کا فارمولا دیگر ملکوں کے فرنچائز ایونٹس پر لاگو نہیں ہوگا۔

یہ بھی پڑھیں: آئی پی ایل کے بجائے ڈومیسٹک کرکٹ کو ترجیح دیں، بھارتی بورڈ کا پلیئرز کو انتباہ

نیوزی لینڈ کرکٹ کی جانب سے تجویز دی گئی تھی کہ آئی پی ایل کو پیش نظر رکھتے ہوئے اس دوران انٹرنیشنل ایونٹس شیڈول نہیں کیے جاتے، دیگر ملکوں کی بھی ٹی 20لیگز کیلیے ونڈو مختص کردی جائے تو کرکٹرز کی دستیابی آسان ہوگی، ساتھ انٹرنیشنل مقابلوں کی اپنی کشش بھی برقرار رہے گی۔

بی سی سی آئی کے زیر اثر آئی سی سی بورڈ نے اس تجویز پر سردمہری کا مظاہرہ کرتے ہوئے اشاروں کی زبان میں ہی مسترد کردیا۔