چیف آف آرمی اسٹاف جنرل راحیل شریف نے کراچی ایئرپورٹ آپریشن میں حصہ لینے والے سیکیورٹی فورسز کے تمام جوانوں کو کامیاب آپریشن پر مبارکباد پیش کی ہے۔
ایکسپریس نیوز کے مطابق آرمی چیف نے 5 گھنٹے سے زائد تک جاری رہنے والے آپریشن کے دوران جواں مردی سے لڑنے والے شہید اور زخمی ہونے والے اہلکاروں کو خراج تحسین پیش کیا اور جوانوں کی جرات و بہادری پر انہیں مبارکباد پیش کی جبکہ ترجمان آئی ایس پی آر عاصم باجوہ نے اپنے ٹوئٹر پیغام میں کہا کہ الحمد اللہ کامیاب آپریشن کے دوران تمام 10 دہشتگردوں کو ہلاک کردیا گیا ہے۔