پاکستان کے کون کون سے کھلاڑی آئی پی ایل اور پی ایس ایل کھیل چکے ہیں

سیاسی کشیدگی کے باعث پاکستانی کرکٹرز کسی اور ایڈیشن میں آئی پی ایل نہیں کھیل سکے

ویب ڈیسک February 29, 2024

سیاسی کشیدگی کے باعث پاکستانی کرکٹرز کسی اور ایڈیشن میں آئی پی ایل نہیں کھیل سکے (فوٹو: فائل)

سیاسی کشیدگی کے باعث پاکستانی کھلاڑی سال 2008 کے بعد سے انڈین پریمئیر لیگ (آئی پی ایل) کا حصہ نہیں بن سکے۔

آئی پی ایل کے پہلے ایڈیشن میں سابق کپتان شاہد آفریدی، محمد حفیظ، عمر گل، شعیب اختر، مصباح الحق، کامران اکمل، شعیب ملک، سلمان بٹ اور سہیل تنویر جیسے نامور کرکٹرز نے پہلے سیزن میں اپنے ہنر کا جادو جگایا تھا، بعدازاں پاکستان اور بھارت کے درمیان سیاسی کشیدگی کے باعث قومی کرکٹرز لیگ کھیلنے سے قاصر ہیں۔

سابق پاکستانی کپتان شاہد آفریدی نے آئی پی ایل میں دکن چارجرز کی نمائندگی کی تھی، انہوں نے 10 میچوں میں 81 رنز بنائے تھے جبکہ پی ایس ایل میں پشاور، کراچی، ملتان اور کوئٹہ کی نمائندگی کرچکے ہیں۔

مزید پڑھیں: میچ سے پہلے کراچی کنگز کے غیرملکی ہیڈ کوچ اور کھلاڑیوں کے پیٹ خراب

سابق کرکٹر محمد حفیظ کولکتہ نائٹ رائیڈرز کیلئے آئی پی ایل کھیل چکے ہیں، انہوں نے 9 میچوں میں 64 رنز بنائے تھے جبکہ پاکستان سپر لیگ میں لاہور قلندرز کی نمائندگی کا اعزاز حاصل ہے۔

سابق فاسٹ بولر عمر گل کولکتہ نائٹ رائیڈرز کیلئے کھیل چکے ہیں، انہوں نے 6 میچوں میں 12 وکٹیں حاصل کیں جبکہپی ایس ایل میں ملتان اور کوئٹہ کی نمائندگی کرچکے ہیں۔

مزید پڑھیں: حسن علی نے پی ایس ایل میں اہم سنگ میل حاصل کرلیا

لیجنڈ کرکٹر مصباح الحق نے آئی پی ایل میں رائل چیلنجرز بنگلور کی نمائندگی کی، انہوں نے 8 میچ کھیلے، جس میں وہ 117 رنز بنا سکے تھے اور پی ایس ایل میں اسلام آباد یونائیٹڈ کی نمائندگی کر چکے ہیں۔

کامران اکمل سال 2008 کی چیمپئین ٹیم راجستھان رائلز کا حصہ تھے، انہوں نے 6 میچوں میں 128 رنز بنائے جبکہ پی ایس ایل میں پشاور زلمی کی نمائندگی کی۔

مزید پڑھیں: پی ایس ایل؛ شاہین کی قیادت میں 11 میچز میں 10 شکستیں! شائقین مایوس

اسی طرح سہیل تنویر نے راجستھان رائلز کیلئے آئی پی ایل کھیلا اور ٹیم کو چیمپئین بنوانے میں اہم کردار ادا کیا، انہوں نے 11 میچوں میں 22 وکٹیں حاصل کیں جبکہ پی ایس ایل میں کراچی، ملتان، کوئٹہ اور لاہور کی نمائندگی کرچکے ہیں۔

سابق کپتان شعیب ملک نے آئی پی ایل میں دہلی ڈیئر ڈیولز کی طرف سے کھیلے، انہوں نے 7 میچوں میں 52 رنز بنائے جبکہ ملک واحد کرکٹر ہیں جو ابتک پی ایس ایل کا حصہ ہیں۔ وہ رواں ایڈیشن میں کراچی کنگز کی نمائندگی کررہے ہیں۔