پی ایس ایل9 میچز نہ ہونے کی صورت میں ٹکٹ کیسے واپس ہوں گے جانیے

پاکستان کرکٹ بورڈ نے تفصیلات جاری کردیں

ویب ڈیسک March 03, 2024

پاکستان کرکٹ بورڈ نے تفصیلات جاری کردیں (فوٹو: ایکسپریس ویب)

پاکستان سپر لیگ (پی ایس ایل) میں ہفتے کے روز واش آؤٹ ہونے والے مقابلوں کے ٹکٹس کی واپسی سے متعلق پی سی بی نے اہم اعلان کردیا۔

پاکستان کرکٹ بورڈ کی جانب سے جاری کردہ اعلامیے میں کہا گیا ہے کہ راولپنڈی میں بارش سے متاثرہ میچز کے ٹکٹس کی واپسی کیلئے شائقین کرکٹ 12 مارچ تک مختلف پرانچز کے مراکز سے رقم کی واپسی کی درخواست دے سکتے ہیں۔

ٹکٹ کی واپسی پر رقم کی وصولی کیلئے شائقین کرکٹ کو اصل شناختی کارڈ پیش کرنا ہوگا، جس سے میچ کا ٹکٹ حاصل کی گیا تھا جبکہ آن لائن خریدے گئے ٹکٹ ادائیگیاں خریداروں کے بکنگ بینک اکاؤنٹس میں جمع کر دی جائیں گی۔

مزید پڑھیں: پی ایس ایل9؛ ٹکٹوں کی فروخت میں شائقین کی عدم دلچسپی

اسی طرح کارپوریٹ کے ذریعے خریدے گئے ٹکٹس صرف ادارے کو واپس کیے جاسکیں گے تاہم رقم کی واپسی کی انفرادی درخواستوں پر غور نہیں کیا جائے گا۔

ٹکٹ واپسی کی پالیسی مندرجہ ذیل ہے!

شق 2.1 کے مطابق "اگر کوئی میچ کسی بھی وجہ سے منسوخ کر دیا جاتا ہے، بشمول خراب موسمی حالات یا دیگر غیر متوقع حالات، ایسے میچ کے ٹاس سے پہلے، ٹکٹ ہولڈرز ٹکٹ کی قیمت کی مکمل واپسی کے اہل ہوں گے"۔

مزید پڑھیں: پی ایس ایل9؛ ''آج سمجھ آگئی! کراچی کے لوگ اسٹیڈیم کیوں نہیں آرہے''

شق 3.3 کے مطابق، ایک درست درخواست موصول ہونے کے 10 کاروباری دنوں کے اندر ریفنڈز پر کارروائی کی جائے گی۔

واضح رہے کہ گزشتہ روز لاور قلندرز اور پشاور زلمی جبکہ کوئٹہ گلیڈی ایٹرز اور اسلام آباد یونائیٹڈ کے درمیان میچ بارش کی نذر ہوگیا تھا جس کے باعث تمام ٹیموں کو ایک ایک پوائنٹ دیا گیا۔