ایڈیشنل آئی جی نے مومن آباد پولیس مقابلے کی رپورٹ طلب کرلی

عینی شاہدین اورعلاقہ مکینوں کے بیانات بھی قلم بندکیے جائیں،غلام قادرتھیبو

Staff Reporter June 10, 2014

رپورٹ میںملزمان کاحلیہ،برآمداسلحہ سمیت دیگرحقائق شامل کیے جائیںفوٹو: عرفان علی/ ایکسپیریس/فائل

ایڈیشنل آئی جی کراچی غلام قادر تھیبو نے ڈی آئی جی ویسٹ سے تھانہ پیر آباد کی حدودرحمن بابا اسٹیڈیم کے قریب مومن آبادپولیس کے مقابلے کی تفصیلی انکوائری رپورٹ 3 روز میں طلب کرلی۔

انھوں نے تھانہ پیرآباد سے بھی علاقہ گشت اوراہلکاروں کی تعیناتی سے متعلق تفصیلات طلب کرنے کے علاوہ پولیس مقابلے کے عینی شاہدین اورعلاقہ مکینوں کے بیانات قلم بنداور جائے وقوع سے جمع کیے گئے گولیوں کے خول بھی فارنزک تحقیقات کے عمل کویقینی بنانے کی ہدایت کی ہے۔

انھوں نے کہا کہ رپورٹ میں مقابلے میں حصہ لینے والے تھانہ مومن آبادکے ایس ایچ او اور پولیس پارٹی میں شامل دیگراہلکاروں کی تفصیلات ،بیانات ،وقت ،جائے وقوع ، ملزمان کا حلیہ ، ڈکیتی میں استعمال کی جانے والی گاڑی ، قبضے میں برآمد اسلحہ و دیگرحقائق کو لازمی شامل کیا جائے تاکہ باقاعدہ تصدیق کے بعد تمام ضروری محکمانہ اقدامات کویقینی بنایا جا سکے۔