صحیفہ جبار خٹک بھی کراچی کے کھانوں کی مداح نکل آئیں
لاہور سے کراچی پہنچنے پر اداکارہ نے اپنی انسٹاگرام پوسٹ میں شہر کے کھانوں کیلئے بہت جوش ظاہر کیا ہے
نامور اداکارہ صحیفہ جبار خٹک بھی کراچی کے کھانوں کی مداح نکل آئیں۔
اداکارہ نے اپنے انسٹاگرام اکاؤنٹ پر اسٹوری میں کراچی کے کھانوں کو ملک کے بہترین کھانے قرار دیا ہے۔
صحیفہ جبار خٹک نے لکھا کہ کراچی پہنچ کر ائرپورٹ سے ہوٹل جانے کراچی میں ان کی امنگوں، خوابوں اور کچھ اہم کرنے کی خواہشات بڑھتی چلی گئیں۔
لاہور سے تعلق رکھنے والی اداکارہ نے کہا کہ وہ کراچی شہر اور اس کے لوگوں کی شکر گزار ہیں جنہوں نے انہیں مواقع فراہم کیے۔
انہوں نے لکھا کہ وہ کراچی کے بہترین کھانوں سے لطف اندوز ہونے کیلئے بہت پرجوش ہیں۔