شاداب خان کی ٹی20 کرکٹ میں وکٹوں کی ٹرپل سنچری
شاداب نے یہ سنگ میل پشاور زلمی کے خلاف میچ میں عامر جمال کو آؤٹ کرکے عبور کیا
اسلام آباد یونائیٹڈ کے کپتان اور مایہ ناز آل راؤنڈر شاداب خان نے ٹی 20 کرکٹ میں وکٹوں کی ٹرپل سنچری مکمل کرلی۔
انہوں نے یہ سنگ میل گزشتہ روز پشاور زلمی کے خلاف میچ میں عامر جمال کو آؤٹ کر کے عبور کیا۔ اس میچ میں شاداب خان نے شاندار آل راؤنڈ کارکردگی کا مظاہرہ کیا اور 80 رنز کی دلکش اننگز کھیلنے کے ساتھ ساتھ 3 وکٹیں بھی حاصل کیں۔
مزید پڑھیں: پی ایس ایل9؛ ''نسیم شاہ ابتدائی اوورز میں شاہین سے زیادہ خطرناک ہیں''
25 سالہ شاداب خان ٹی 20 فارمیٹ میں 300 وکٹیں حاصل کرنے والے چھٹے پاکستانی کرکٹر بن گئے ہیں۔ ان سے قبل وہاب ریاض، سہیل تنویر، شاہد آفریدی، محمد عامر اور عماد وسیم یہ اعزاز اپنے نام کر چکے ہیں۔