نیویارک میں پاک بھارت مقابلے کا وینیو تیزی سے تکمیل کی جانب گامزن

تعمیراتی کام کا ایک ماہ مکمل ہونے پر آئی سی سی کی جانب سے ویڈیو جاری کردی گئی

Sports Reporter March 06, 2024

تعمیراتی کام کا ایک ماہ مکمل ہونے پر آئی سی سی کی جانب سے ویڈیو جاری کردی گئی۔ فوٹو: آئی سی سی

نیویارک میں پاک بھارت مقابلے کا وینیو تیزی سے تکمیل کی جانب گامزن ہے۔

ٹی20 ورلڈکپ میں وہاں روایتی حریفوں کے مقابلے سمیت 8میچز کھیلے جائیں گے، نساؤ کاؤنٹی اسٹیڈیم میں 34ہزار تماشائیوں کی گنجائش ہوگی، تعمیراتی کام کا ایک ماہ مکمل ہونے پر آئی سی سی کی جانب سے ویڈیو جاری کردی گئی۔

یہ بھی پڑھیں: پاک بھارت میچ کی ٹکٹیں ری سیل سائٹس پر لاکھوں میں فروخت کیلیے پیش

ہیڈ آف ایونٹس کرس ٹیٹلی کا کہنا ہے کہ وینیو کی تعمیر میں خاصی اہم پیش رفت ہوئی ہے،شاندارمقابلوں سے شائقین کو بھرپور تفریح فراہم ہوگی۔

چیف ایگزیکٹو بریٹ جونز نے کہا کہ ہم اسٹیڈیم میں دنیا بھر سے آنے والے تماشائیوں کا استقبال کرنے کیلیے تیار ہیں،چند میچز کے ٹکٹ ابھی دستیاب ہیں، امید ہے کہ یہاں ہائوس فل ہوں گے۔