ملک کے بیشتر علاقوں میں سورج آج بھی آگ برساتا رہا تربت کا پارہ 50 تک جا پہنچا

شدید گرمی سے بے حال اورلوڈ شیڈنگ کے ستائے شہریوں کی بڑی تعداد نے پارکوں ، نہروں، سوئمنگ پول اورواٹرپارکس کار رخ کیا

ویب ڈیسک June 10, 2014

آج سب سے زیادہ گرمی تربت میں پڑی جہاں کا درجہ حرارت 50 سینٹی گریڈ تک پہنچ گیافائل فوٹو

گرمی کی شدت نے گذشتہ کئی روز سے ملک کے اکثرعلاقوں بالخصوص میدانی علاقوں کو اپنی لپیٹ میں لے رکھا ہے اوپر سے لوڈ شیڈنگ نے گرمی سے بے حال عوام کا جینا دوبھر کردیا ہے۔

آج سب سے زیادہ گرمی تربت میں پڑی جہاں کا درجہ حرارت 50 سینٹی گریڈ تک پہنچ گیا جبکہ بھکر بھی گرمی کے معاملے میں کسی سے پیچھے نہ رہا اور یہاں درجہ حرارت بھی 49 سینٹی گریڈتک پہنچ گیا جب کہ شورکوٹ، سبی اور دادو میں درجہ حرارت 48 سینٹی گریڈ ریکارڈ کیا گیا،محکمہ موسمیات نے آئندہ چند روز تک گرمی کے لہر برقرار رہنے کی پیش گوئی کی ہے۔

ایک جانب عوام گرمی سے پریشان ہیں تو دوسری جانب وہ لوڈ شیڈنگ کا دہرا عذاب سہنے پر بھی مجبور ہیں جس کےباعث ان کے معمولات زندگی اورکاروباری سرگرمیاں بھی شدیدمتاثرہورہی ہیں۔ شدید گرمی سے بے حال اورلوڈ شیڈنگ کے ستائے شہریوں کی بڑی تعداد نے گرمی سے بچنے کے لئے پارکوں ، نہروں، سوئمنگ پول اورواٹرپارکس کار رخ کیا۔