مسلم لیگن پی پی پی کا انتخابی اصلاحات کا فیصلہ نگران سیٹ اپ کے خاتمے پر اتفاق

نگران سیٹ اپ ختم اور منتخب وزیراعظم عام انتخابات تک ذمہ داریاں انجام دے گا، دونوں جماعتوں کا اتفاق


ویب ڈیسک March 08, 2024
مسلم لیگ(ن) اور پی پی پی نے انتخابی اصلاحات پر اتفاق کرلیا—فائل: فوٹو

حکمران جماعت پاکستان مسلم لیگ (ن) اور اتحادی جماعت پاکستان پیپلز پارٹی (پی پی پی) نے انتخابی عمل میں اصلاحات کا فیصلہ کرلیا۔

ایکسپریس نیوز کے مطابق مسلم لیگ(ن) اور پیپلزپارٹی نے نگران سیٹ اپ کا نظام ختم کرنے کی تجویز پر اتفاق کرلیا ہے اور انتخابی اصلاحات کے لیے قانون کا مسودہ بھی تیار کر لیا جائے گا۔

اتحادی جماعتوں نے نگران سیٹ اپ کے حوالے سے اتفاق کیا ہے کہ مدت پوری کرنے والی حکومت کا سربراہ ہی نئے عام انتخابات تک ذمہ داریاں انجام دے گا، مدت پوری ہونے کے بعد وزیراعظم کی کابینہ تحلیل ہو جائے گی لیکن وزیراعظم کام جاری رکھیں گے۔

انتخابی اصلاحات کے تحت الیکشن کا عمل سادہ اور آسان بنانے کے لیے بھی سفارشات مرتب کی جائیں گی اور دونوں جماعتیں مجوزہ اصلاحات پر دیگر جماعتوں کو بھی اعتماد میں لیں گی۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں