انگلینڈ بھارت ٹیسٹ سیریز 147 سالہ ٹیسٹ کرکٹ کی تاریخ پلٹ گئی

جیمز اینڈرسن 700 وکٹیں جبکہ ٹیسٹ سیریز میں 100 سے زائد چھکے لگ گئے (فوٹو: کرک انفو)

---

انگلینڈ اور بھارت کے درمیان دھرم شالہ ٹیسٹ میچ کے دوران ایک ٹیسٹ سیریز میں 100 سے زائد چھکے جبکہ فاسٹ بولر نے 700 وکٹیں حاصل کرلیں۔

سیریز کے پانچویں ٹیسٹ میچ میں جونی بیئرسٹو نے چھکا لگا کر تاریخی کارنامہ سرانجام دیا جبکہ جیمز اینڈرسن نے کلدیپ یادیو کی وکٹ لیکر ٹیسٹ کرکٹ کی تاریخ میں پہلے 700 وکٹیں لینے والے فاسٹ بولر بننے کا اعزاز حاصل کیا۔

اس سے قبل سری لنکا کے اسپنر متھیا مرلی دھرن نے 800 اور آسٹریلیا کے شین وارن نے 708 وکٹیں حاصل کرنے کا کارنامہ سرانجام دیا تھا تاہم اینڈرسن بطور فاسٹ بولر یہ اعزاز حاصل کرنے والے پہلے کرکٹر ہیں۔

مزید پڑھیں: خاتون ریسلر نے بھارتی کرکٹر کو کندھوں پر اٹھالیا، ویڈیو وائرل

سال 2022 میں انگلینڈ کیلئے ڈیبیو کرنے والے جیمز اینڈرسن 187 ٹیسٹ میچز میں نمائندگی کرچکے ہیں، جس میں 26.52 کی اوسط سے 700 وکٹیں حاصل کی ہیں۔

مزید پڑھیں: پاک بھارت میچ کی ٹکٹیں ری سیل سائٹس پر لاکھوں میں فروخت کیلیے پیش

انہوں نے کیرئیر میں 32 بار 5 یا اس زائد جبکہ 3 مرتبہ 10 وکٹیں حاصل کرنے کا اعزاز بھی حاصل کیا ہے۔

واضح رہے کہ سیریز میں بھارت کو انگلینڈ کیخلاف 1-3 کی واضح برتری حاصل ہے۔