عارف علوی کی صدر پاکستان کے اکاؤنٹ سے آخری پوسٹ ملک کے بہترین مستقبل کی تمنا

سابق صدر ڈاکٹر عارف علوی نے صدر پاکستان کے آفیشل اکاؤنٹ سے اپنی آخری پوسٹ کی اور بتایا ہے اس کے بعد اس اکاؤنٹ کا سارا کنٹرول ملک کے 14ویں منتخب صدر کے پاس چلا جائے گا۔

انہوں نے ایکس پر کی گئی اپنی پوسٹ میں لکھا کہ پاکستانی عوام کی خدمت کرنا میرے لئے باعث اعزاز ہے، اللہ میری کوتاہیوں سے درگزر فرمائے اور میں نے جو اچھے اعمال کیے ہوں اس کا اجر عطا فرمائے۔



 


 

انہوں نے لکھا کہ میں اور میری اہلیہ ثمینہ علوی (سابق خاتون اول) بھی ملک کیلیے دعا گو ہیں اور ہمیں اس میں کوئی شک نہیں کہ ایک شاندار مستقبل ہمارے ملک کا منتظر ہے۔

مزید پڑھیں: آصف زرداری دوسری بار پاکستان کے صدر منتخب

انہوں نے لکھا کہ 'پریس آف پاکستان' اکاؤنٹ 2018 میں میں نے بنایا تھا اور اس ایکس ہینڈل سے بطور 13واں صدر یہ میری آخری پوسٹ ہے۔