بھارتی اداکارہ نگار خان پاکستانی بزنس مین سے شادی کریں گی

بالی ووڈاداکارہ گوہر خان کی بڑی بہن نگار خان نے ایک پاکستانی تاجر سے شادی کرنے کا فیصلہ کر لیا ہے تاہم زیادہ تر منفی کردار ادا کرنے والی اداکارہ نے اس کا نام بتانے سے انکار کیا ہے۔


نگار خان ایک پاکستانی بزنس مین سے شادی کی منصوبہ بندی کر رہی ہیں جو اس وقت دبئی میں مقیم ہیں۔رپورٹ کے مطابق اداکارہ نے اس پاکستانی کا نام بتائے بغیر اس سے ملاقاتوں اورمستقبل میں زندگی کا ساتھی چننے کا اعتراف کیا ہے تاہم اس کی شناخت بتانے سے فی الحال گریز کیا ہے کیونکہ وہ انھیں میڈیا کی نظروں سے دور رکھنا چاہتی ہیں۔ نگار خان نے یہ بھی بتایا ہے کہ ان کا تعلق فلمی صنعت سے نہیں اور وہ انتہائی اچھے مزاج کے مالک ہیں اداکارہ کا کہنا ہے کہ شادی کی پروپوزل پہلے ان کی طرف سے ہی آئے گی اور وہ شادی کے بعد کچھ عرصہ کے لیے فلمی صنعت کو خیرباد کہہ دیں گی۔