امپائر سے اختلاف لاہور قلندر کے بالر سکندر رضا پر جرمانہ عائد

ایونٹ میں خراب پرفارمنس کا بھی اعتراف کرلیا (فوٹو: پی سی بی)

---

لاہور قلندرز کے سکندر رضا پر امپائر کے فیصلے پر اختلاف ظاہر کرنے پر پی ایس ایل کے ضابطہ اخلاق کی لیول ون کی خلاف ورزی پر میچ فیس کا 10 فیصد جرمانہ عائد کیا گیا۔

ایکسپریس کے مطابق اتوار کی شب نیشنل بینک اسٹیڈیم میں کوئٹہ گلیڈی ایٹرز کے خلاف میچ کے دوران یہ واقعہ پیش آیا۔ سکندر رضا نے کھیل کے دوران تین مختلف مواقع پر اپنے بازو اٹھائے، سر ہلایا اور اشارہ کیا کہ ڈیلیوری کو وائیڈ بال کہا جانا چاہیے تھا۔

مزید پڑھیں: ضابطہ اخلاق کی خلاف ورزی پر نسیم شاہ کو میچ فیس کا 10فیصد جرمانہ

ان کا یہ عمل آرٹیکل 2.8 کی خلاف ورزی رہا جو ایک کھلاڑی کے خلاف امپائر کے فیصلے پر اختلاف ظاہر کرتا ہے۔ آن فیلڈ امپائرز کرس گیفانی اور راشد ریاض نے سکندر رضا پر الزام عائد کیا جبکہ میچ ریفری علی نقوی نے جرمانہ عائد کیا۔