ویرات کوہلی کی ٹی20 ورلڈکپ میں شرکت مشکوک
بھارتی سلیکشن پینل ورلڈ کپ کے لیے ویرات کوہلی کو منتخب کرنے کے خواہاں نہیں، رپورٹس
بھارتی ٹیم کے تجربہ کار کھلاڑی ویرات کوہلی کی رواں سال ٹی 20 ورلڈ کپ میں شرکت مشکوک بتائی جا رہی ہے۔
بی سی سی آئی کے سیکریٹری جے شاہ نے ورلڈ کپ میں روہت شرما کی شمولیت سے متعلق تو تصدیق کر دی ہے تاہم اب تک ویرات کوہلی کو اسکواڈ کا حصہ بنانے سے متعلق تصدیق نہیں کی گئی۔
بھارتی میڈیا کی رپورٹس کے مطابق افغانستان کے خلاف ویرات کوہلی کی واپسی نے ٹی20 ورلڈ کپ میں ان کی شرکت کی تصدیق کی تھی لیکن تاحال ویرات کوہلی کی شمولیت کا معاملہ لٹکا ہوا ہے۔
مزید پڑھیں: چیمپئنز ٹرافی2025؛ بھارت کی عدم شرکت! پلان بی تیار نہ ہوسکا
دوسری جانب، سلیکشن پینل کے سربراہ اجیت اگرکر ٹی20 ورلڈ کپ کے لیے ویرات کوہلی کو منتخب کرنے کے خواہاں نہیں کیونکہ سلیکٹرز اور ٹیم مینجمنٹ کا خیال ہے کہ تجربہ کار کھلاڑی مختصر ترین فارمیٹ میں ٹیم کی ضروریات کو پورا کرنے میں ناکام رہے ہیں۔
بھارتی کرکٹ بورڈ نے بھی ویرات کوہلی کی شمولیت کا فیصلہ چیف سلیکٹر اجیت اگرکر پر چھوڑ دیا ہے۔
مزید پڑھیں: انگلینڈ بھارت ٹیسٹ سیریز؛ 147 سالہ ٹیسٹ کرکٹ کی تاریخ پلٹ گئی
رپورٹس کے مطابق آئی پی ایل2024 میں شاندار کارکردگی دکھانے پر ہی ویرات کوہلی بھارتی ٹیم میں حصہ بنانے میں کامیاب ہو سکیں گے۔
واضح رہے کہ ٹی20 ورلڈ کپ 2024 کےمیچز رواں سال امریکا میں کھیلے جائیں گے۔ بھارت، پاکستان، آئرلینڈ، امریکا اور کینیڈا گروپ اے میں شامل ہیں۔