ہری پورمیں پولیس اہلکارنےلڑکی کو زیادتی کے بعد پہاڑ سےنیچےپھینک دیا

لڑکی سے زیادتی کرنے والے پولیس اہلکار کے خلاف مقدمہ درج کر کے تحقیقات کا آغاز کر دیا ہے، پولیس۔ فوٹو: فائل

---

غازی کے علاقے میں پولیس اہلکار نے لڑکی کو جنسی زیادتی کا نشانہ بنانے کے بعد پہاڑ سے نیچے پھینک دیا۔

ایکسپریس نیوز کے مطابق ہری پور کے علاقے غازی میں فرحان نامی پولیس اہلکار نے 22 سالہ انوشہ کو جنسی زیادتی کا نشانہ بنایا اور پھر اسے سری کوٹ ٹاپ کے مقام سے نیچے پھینک دیا، مقامی افراد نے لڑکی کو تشویشناک حالت میں اسپتال منتقل کیا جہاں اسے طبی امداد دی جا رہی ہے۔

پولیس حکام کا کہنا ہے کہ لڑکی سے زیادتی کرنے والے پولیس اہلکار کا تعلق صوابی سے ہے، اس کے خلاف مقدمہ درج کر کے تحقیقات کا آغاز کر دیا ہے۔