بیوی نے بہنوں اور بہنوئی سے مل کر شوہر کو آگ لگا دی
جھلسے ہوئے شخص کو اسپتال منتقل کردیا گیا جہاں اس کا علاج جاری ہے جب کہ ملزمان فرار ہوگئے، پولیس
بیوی نے گھریلو جھگڑوں پر بہنوں اور بہنوئی کے ساتھ مل کر شوہر کو آگ لگا دی جس کا ساٹھ فیصد جسم جھلس گیا۔
ایکسپریس نیوز کے مطابق یہ واقعہ سیالکوٹ کے علاقے تھانہ اگوکی کے علاقے رویل گڑھ میں پیش آیا، گھریلو تنازع پر شکیل اور اس کی بیوی اقرا کے درمیان جھگڑا ہوا جو شدت اختیار کر گیا۔
پولیس کے مطابق ہم زلف نے پٹرول چھڑکا اور بیوی نے آگ لگائی، شوہر شکیل کے جسم کا ساٹھ فیصد جسم جھلس گیا، بیوی کی تین بہنوں اور ہم زلف پر مقدمہ درج کرلیا گیا ہے۔
پولیس کے مطابق جھلسے ہوئے شکیل کو اسپتال منتقل کردیا گیا جہاں اس کا علاج جاری ہے جب کہ ملزمان فرار ہوگئے ہیں۔