حافظ آباد میں بس اور ٹرالر میں تصادم کےنتیجے میں 3 خواتین سمیت 4 افراد جاں بحق

حادثے کا شکار مسافر بس لاہور سے اسلام آباد جارہی تھی ۔ فوٹو: فائل

---

KARACHI: سُکھے کھی کے قریب بس اور ٹرالر میں تصادم کےنتیجے میں 3 خواتین سمیت 4 افراد جاں بحق جبکہ 13 مسافر زخمی ہوگئے۔

ایکسپریس نیوز کے مطابق لاہور سے اسلام آباد جانے والی مسافر بس حافظ آباد میں سکھے کھی کے قریب کوٹ سرور انٹر چینج کے قریب ااور ٹیک کرتے ہوئے ٹرالر سے ٹکرا گئی، حادثے کے نتیجے میں بس میں سوار 3 خواتین سمیت 4 افراد موقع پر ہی جاں بحق جبکہ 13 مسافر زخمی ہو گئے۔ حادثے کی اطلاع پر موٹر وے پولیس اور ریسکیو ٹیموں نے لاشوں اور زخمیوں کو تحصیل اسپتال پنڈی بھٹیاں پہنچایا جہاں انھیں طبی امداد فراہم کی جارہی ہے۔

پولیس کا کہنا ہے کہ میتوں کو لواحقین کے حوالے کردیا گیا ہے جبکہ واقعے کی تحقیقات کے لئے دونوں گاڑیوں کو قبضے میں لے لیا گیا ہے۔