شاہ رخ خان اور عرفی جاوید کی سیلفی سوشل میڈیا پر وائرل ہوگئی : فوٹو : انسٹاگرام
عجیب و غریب فیشن اسٹائل کی وجہ سے خبروں میں رہنے والی عرفی جاوید نے اپنے آفیشل انسٹاگرام اکاؤنٹ کی اسٹوری میں اپنی سیلفی شیئر کی۔
سیلفی میں عرفی جاوید کو بالی ووڈ کے میگا اسٹار شاہ رخ خان کے ساتھ پوز دیتے ہوئے دیکھا جاسکتا ہے جبکہ سیلفی دیکھ کر ایسا لگ رہا ہے کہ یہ اداکار نے کِلک کی ہے۔
عرفی جاوید نے اپنی انسٹاگرام اسٹوری میں سیلفی شیئر کرتے ہوئے کہا کہ میں نے اپنے پسندیدہ شخص یعنی شاہ رخ خان سے ملاقات کی۔
شاہ رخ خان اور عرفی جاوید کی سیلفی جیسے ہی سوشل میڈیا پر وائرل ہوئی تو اس سیلفی کی حقیقت بھی کُھل کر سامنے آگئی۔
دراصل مذکورہ سیلفی جعلی ہے جوکہ سوشل میڈیا کی معروف ایپ 'اسنیپ چیٹ' کے ایک فلٹر کی مدد سے بنائی گئی ہے۔
اسنیپ چیٹ پر ایک فلٹر موجود ہے جس کا نام 'سیلفی ود ایس آر کے' ہے، اس فلٹر سے جو بھی سیلفی بنائے گا تو اُس کے ساتھ شاہ رخ خان کی سیلفی آجائے گی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔