اسلام آباد کی یونیورسٹی میں جھگڑے کے دورران فائرنگ سے ایک طالب علم شدید زخمی
سندھ سے تعلق رکھنے والا بائیس سالہ طالب علم کی شناخت عبد الرحمان کے نام سے ہوئی، حالت تشویشناک ہے
وفاقی دارالحکومت میں قائم یونیورسٹی میں طلبا کے درمیان جھگڑے کے دوران فائرنگ سے ایک نوجوان زخمی ہوگیا۔
تفصیلات کے مطابق اسلام آباد کے تھانہ انڈسٹریل ایریا کی حدود میں قائم شہید ذوالفقار علی بھٹو انسٹی ٹیوٹ آف سائنس اینڈ ٹیکنالوجی یونیورسٹی میں طلبا کے درمیان جھگڑا ہوا، جس میں ایک گروہ نے فائرنگ کردی۔
جس کے نتیجے میں ایک طالب علم گولی لگنے سے زخمی ہوا۔ واقعے کے بعد مقامی پولیس نے فوری طور پر یونیورسٹی پہنچ کر حالات کو کنٹرول کرلیا جبکہ زخمی طالب علم کو تشویشناک حالت میں اسپتال منتقل کردیا گیا۔
پولیس ذرائع کے مطابق زخمی طالب علم کی عمر بائیس سال جبکہ اُس کی شناخت عبدالرحمان کے نام سے ہوئی اور تعلق سندھ سے بتایا گیا ہے۔