دماغ کے ساتھ شاہد آفریدی سدھو نے بھارتی کرکٹر کی تعریف شروع کردی

نوجوان کرکٹر کو بھارتی بورڈ نے سینٹرل کنٹریکٹ سے محروم رکھا تھا

ویب ڈیسک March 24, 2024

نوجوان کرکٹر کو بھارتی بورڈ نے سینٹرل کنٹریکٹ سے محروم رکھا تھا (فوٹو: ایکسپریس ویب)

سابق بھارتی کرکٹر نوجوت سنگھ سدھو نے انڈین پریمئیر لیگ (آئی پی ایل) میں کولکتہ نائٹ رائیڈرز کی کپتانی کرنے والے شریاس ایر کو "دماغ کے ساتھ شاہد آفریدی" کی طرح قرار دیدیا۔

اسٹار اسپورٹس کو دیئے گئے انٹرویو میں سابق کرکٹر و کمنٹیٹر نوجوت سنگھ سدھو نے آئی پی ایل کے اُبھرتے ہوئے نوجوان کرکٹر شریاس ایر کی تعریف کی اور انہیں دماغ کیساتھ شاہد آفریدی کی طرح دوران کھیل حالات کے مطابق میچ کی صورتحال میں ڈھالنے والا کہا۔

شریاس ایر رواں سیزن میں کے کے آر کی کپتانی کے فرائض سرانجام دے رہے ہیں لیکن انہیں بھارتی کرکٹ بورڈ (بی سی سی آئی) نے سینٹرل کنٹریکٹ سے محروم رکھا۔

مزید پڑھیں: پی ایس ایل کیلئے اَن فٹ، آئی پی ایل کیلئے فٹ! شمر جوزف نے دھوکا دیدیا

دوسری جانب 10 سال کے طویل عرصے بعد نوجوت سنگھ سدھو نے آئی پی ایل کمنٹری پینل میں واپسی کی ہے۔