ریسکیو 1122 نے ڈورمیں پھنسے کوے کو بچالیا
کوے کی جان بچانے پر شہریوں نے امدادی ادارے کی کارکردگی کو سراہا
مال روڈ پر درخت پر ڈور میں پھنسے کوے کو ریسکیو 1122 نے ریسکیو کرلیا۔
ایکسپریس نیوز کے مطابق مری میں ہولی ٹرنٹی چرچ کے پاس ایک درخت پر کوا ڈور میں پھنس گیا تھا جس کی اطلاع ملنے پر ریسکیو 1122 کی امدادی ٹیم موقع پر پہنچ گئی۔
ریسکیو ٹیم نے درخت پر چڑھ کر ڈور میں پھنسے پرندے کو آزاد کردیا جس پر وہاں موجودشہریوں نے ریسکیو1122 کی کارکردگی کو خوب سراہا۔