لوئردیر میں پولیس چوکی پر فائرنگ اور دستی بم حملہ ایک اہلکار جاں بحق

سیکیورٹی فورسز نے حملہ آوروں کی تلاش کے لئے علاقے کا محاصرہ کر کے سرچ آپریشن شروع کر دیا ہے۔ فوٹو: فائل

---

اوچ کے علاقے گل آباد میں پولیس چوکی پر نامعلوم افراد کی فائرنگ اور دستی بم حملے میں ایک اہلکار جاں بحق ہو گیا۔

ایکسپریس نیوز کے مطابق لوئر دیر میں اوچ کے علاقے گل آباد میں نامعلوم افراد نے فائرنگ کی اور دستی بم سے حملہ کر دیا جس کے نتیجے میں ایک اہلکار جاں بحق ہو گیا۔ حملہ آور فرار ہونے میں کامیاب ہو گئے جب کہ جاں بحق ہونے والے پولیس اہلکار کا جسد خاکی قانونی کارروائی کے لئے قریبی اسپتال منتقل کر دیا ہے۔

سیکیورٹی فورسز نے حملہ آوروں کی تلاش کے لئے علاقے کا محاصرہ کر کے سرچ آپریشن شروع کر دیا ہے۔