باجوڑایجنسی میں زمین کے تنازعے پر فائرنگ سے خاتون سمیت 5 افراد جاں بحق

تحصیل ماموند کے علاقے گبری میں زمین کے تنازعے پر فائرنگ کے نتیجے میں خاتون سمیت 5 افراد جاں بحق ہو گئے۔


ایکسپریس نیوز کے مطابق باجوڑ ایجنسی کی تحصیل ماموند کے علاقے گبری میں زمین کے تنازعے پر 2 گروپوں نے ایک دوسرے پر اندھا دھند فائرنگ کر دی جس کے نتیجے میں خاتون سمیت 5 افراد جاں بحق ہو گئے۔ مقامی افراد اور امدادی ٹیموں کے اہلکاروں نے فائرنگ میں جاں بحق ہونے والوں کو قریبی اسپتالوں میں منتقل کیا۔

پولیس حکام کا کہنا ہے کہ فائرنگ کے واقعہ کا مقدمہ درج کر کے واقعہ کی تحقیقات کا آغاز کر دیا ہے جب کہ ملزمان کی گرفتاری کے لئے چھاپہ مار کارروائیاں بھی شروع کر دی ہیں۔