ان میں قیادت کی صلاحیت نہیں، بابر کی کپتانی میں پاکستان کوئی ایونٹ نہیں جیتا، سابق کرکٹرز (فوٹو: ایکسپریس ویب)
ایک ماہ قبل ٹی وی پروگرام میں سابق آل راؤنڈر عبدالرزاق نے کہا تھا کہ بابراعظم میں قیادت کی صلاحیت نہیں ہے، وہ ایک اچھے کرکٹر ہیں، ان کو کپتان نہیں بلکہ بطور پلیئر کھیلنا چاہیے۔
اس پر میزبان نے کہا کہ اگر آپ کی یہ بات وائرل ہوگئی تو یہ نہ کہنا کہ میں نے کہا ہی نہیں تھا، سابق فاسٹ بولر وہاب ریاض نے بھی 4 ماہ قبل میڈیا سے گفتگو کرتے ہوئے کہا تھا کہ بابراعظم 4 سال کپتان رہے لیکن انکی قیادت میں پاکستان کوئی آئی سی سی یا اے سی سی ایونٹ نہیں جیت سکا۔
مزید پڑھیں: بابراعظم کو فٹنس مزید بہتر بنانے کا مشورہ ملنے لگا
یاد رہے کہ یہ دونوں سابق کرکٹرز اس وقت قومی سلیکشن کمیٹی کا حصہ ہیں، انھوں نے اتوار کو شاہین شاہ آفریدی کو فارغ کرتے ہوئے بابراعظم کو دوبارہ قومی ٹی20اور ون ڈے ٹیم کا کپتان مقرر کرنے کا فیصلہ کیا تھا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔