اسرائیل جنوبی غزہ سے اپنی فوجیں واپس بلانے پر مجبور ہوگیا

اسرائیلی ٹینکس غزہ سے واپس جارہے ہیں، فوٹو: فائل

---

غزہ میں حماس کے ساتھ مسلسل جنگ کو 6 ماہ مکمل ہونے پر اسرائیل نے اپنے فوجیوں کو جنوبی علاقے سے واپس بلالیا۔

عالمی خبر رساں ادارے کے مطابق اسرائیل نے جنوبی غزہ سے اپنی برّی فوج کو واپس بلالیا البتہ ایک بٹالین غزہ کی پٹی اور اسرائیلی سرزمین کو علیحدہ کرنے والے راہداری کی حفاظت کے لیے تعینات رہے گی۔

ٹائمز آف اسرائیل نے اپنی ایک رپورٹ میں دعویٰ کیا ہے کہ فوجیوں کی واپسی ایک حکمت عملی کے تحت کی گئی جس کا مقصد اہلکاروں کو رفح میں پیشقدمی اور ایک بڑی کارروائی کے لیے تازہ دم کرنا ہے۔

یہ خبر پڑھیں : امریکا میں غزہ مظاہرے کے دوران ہنگامہ کرنے پر مس اسرائیل کی درگت بن گئی

خیال رہے کہ غزہ میں اسرائیلی بمباری کے باعث 20 لاکھ فلسطینی رفح میں پناہ لینے پر مجبور ہوئے ہیں اور اب اسرائیل اپنے اتحادی ممالک بشمول امریکا کی مخالفت کے باوجود رفح کو نشانہ بنانے کی تیاری کر رکھا ہے۔

ادھر حماس نے بھی غزہ میں اسرائیلی فوجیوں کو پھر گھات لگا کر دھول چٹادی۔ حماس کی اس کارروائی میں 4 کمانڈوز مارے گئے جب کہ دیگر کی حالت تشویشناک بتائی جا رہی ہے۔

یہ خبر بھی پڑھیں : حماس کا اسرائیلی فوج کے ٹینک پر حملہ؛ 4 کمانڈوز ہلاک اور متعدد زخمی

حماس کے ساتھ دوبدو لڑائی میں اب تک 260 اسرائیلی فوجی ہلاک ہوچکے ہیں جب کہ حماس کے 7 اکتوبر کو اسرائیل پر حملے میں بھی ہزار سے زائد اسرائیلی فوجی مارے گئے تھے۔