پشاور میں عید پر مختلف پابندیاں عائد
موٹر سائیکل کی ون ویلنگ، گاڑیوں کی ریس، دریاؤں اور نہروں میں نہانے، ڈبل سلنسر موٹرسائیکل چلانے پرپابندی عائد
خیبرپختونخوا کے دارالحکومت پشاور میں عید الفطر پر ہوائی فائرنگ اور اسلحے کی نمائش سمیت مختلف کاموں پر پابندیاں عائد کردی گئیں ہیں۔
تفصیلات کے مطابق ڈپٹی کمشنر نے پشاور میں دفعہ 144 کے نفاذ کا اعلامیہ جاری کردیا، جس کے مطابق عید الفطر کی چاند رات اور عید کے دنوں میں اسلحے کی نمائش یا ہوائی فائرنگ پر پابندی ہوگی۔
اس کے علاوہ موٹر سائیکل کی ون ویلنگ، گاڑیوں کی ریس، دریاؤں اور نہروں میں نہانے پر بھی پابندی ہوگی جبکہ ڈبل سلنسر لگا کرموٹرسائیکل چلانے پرپابندی ہوگی۔