- پنجاب کی 41 ملز کو 96 ہزار میٹرک ٹن شوگر ایکسپورٹ کرنے کی اجازت
- راولپنڈی بم دھماکہ کیس میں 2 مجرمان کو تین، تین مرتبہ سزائے موت
- بھاری معاوضہ لے کر شہریوں غیرقانونی طریقے سے اٹلی بھیجنے والا انسانی اسمگلر گرفتار
- کراچی میں ہیٹ اسٹروک سے مزید 4 جاں بحق، مجموعی تعداد 49 ہوگئی
- بھارت؛ مودی سرکار میں مسلمانوں کے لیے عرصۂ حیات تنگ
- پشاور: سینئر وکیل کو قتل کرنے کے جرم میں بھتیجے کو سزائے موت
- بھارت میں اقلیتوں کے ساتھ ناروا سلوک اور ہراسانی کے واقعات افسوسناک ہیں؛ امریکا
- فرانس الیکشن؛ اپوزیشن کا ’لینڈ سلائیڈ وکٹری‘ کا دعویٰ
- حکومت کا بجلی چوری روکنے اوروصولیوں کیلیے عملے کو انعامات دینے کا فیصلہ
- برطانوی انتخابات؛ 14 سال سے حکمراں جماعت کیلیے خطرے کی گھنٹی بج گئی
- تربت میں گھر پر حملہ اور دھماکے میں خاتون اور بچی سمیت 3 افراد جاں بحق
- جہانگیر ترین کا عوامی بجٹ پیش کرنے پر شہباز شریف کو خراج تحسین
- بارشوں سے متعلق ہنگامی صورتحال کے پیش نظر نیشنل ایمرجنسی آپریشن سینٹر فعال
- دکی کے لاک اپ سے تین قیدیوں کے فرار کا مقدمہ درج، 3 اہلکار گرفتار
- گورنر سندھ کی ہدایت پر مستحقین میں امدادی چیکس، لیپ ٹاپ اور موٹر سائیکلیں تقسیم
- حزب اللہ کے اسرائیلی فوج پر ڈرون حملے میں 18 اہلکار زخمی؛ ہلاکتوں کا خدشہ
- وزیراعلیٰ سندھ کی بجلی کمپنیوں کو یکم تا 12 محرم لوڈ شیڈنگ نہ کرنے کی ہدایت
- دیوقامت مگر مچھ کا سڑک پر مٹر گشت، ٹریفک روک دی
- پریشان حال شخص نے مریم نواز کی گاڑی روک لی
- ہم نے غزہ میں حماس کا گلا گھونٹ دیا؛ اسرائیلی وزیر دفاع
کراچی کے مختلف علاقوں میں بارش سے موسم خوشگوار
![(فوٹو: فائل)](https://c.express.pk/2024/04/2628421-karachirain-1712824258-374-640x480.jpg)
(فوٹو: فائل)
کراچی: شہر قائد کے مختلف علاقوں میں اتوار کی صبح سے کہیں ہلکی اور کہیں تیز بارش سے موسم خوش گوار ہوگیا۔
محکمہ موسیات کے مطابق گلشنِ اقبال، محمد علی سوسائٹی، کلفٹن، گلشن حدید، بہادرآباد، ڈیفنس ویو اور ملحقہ علاقوں میں گرچ چمک کے ساتھ بارش ہوئی۔
کراچی میں آج مغربی سسٹم کے زیر اثر ہلکی بارش ہوسکتی ہے جبکہ کہیں کہیں گرج چمک بھی ہوسکتی ہے تاہم غیرمعمولی بارش کا امکان نہیں ہے۔ زیادہ سے زیادہ درجہ حرارت 28 سے 30 ڈگری سینٹی گریڈ رہنے کا امکان ہے۔
ریڈار کے تازہ ترین مشاہدات کے مطابق کراچی کے مغرب اور جنوب مغرب میں تیز بارش کے آثار دکھا رہے ہیں، سسٹم کے اثرات مشرق کی طرف بڑھ رہے ہیں۔
موجود سیٹلائٹ مشاہدے کے تحت وقفے وقفے سے گرج چمک کے ساتھ ہلکی/درمیانی بارش ہوسکتی ہے، بارش کا شروع ہونے والا سلسلہ شام تک جاری رہ سکتا ہے۔
محکمہ موسمیات نے شہر میں ہونے والی بارش کے ملی میٹر میں اعدار و شمار جاری کر دیے۔
سب سے زیادہ بارش ناظم آباد میں 21.2 ملی میٹر ریکارڈ ہوئی جبکہ گلشن حدید میں 20، فیصل بیس میں 17، مسرور بیس اور کیماڑی میں 16، نارتھ کراچی اور سعدی ٹاون میں 15، اورنگی میں 14.4، کورنگی میں 14.5، اولڈ ایئرپورٹ 11.9، ڈی ایچ اے 5.5 جبکہ سرجانی میں 3 ملی میٹر بارش ریکارڈ ہوئی۔
سب سے کم بارش جناح ٹرمینل ایئرپورٹ پر 1.2 ملی میٹر ریکارڈ ہوئی۔
واضح رہے کہ محکمہ موسمیات نے اتوار کو شہر میں درمیانی شدت کی بارش اور آندھی کی پیش گوئی کی تھی جبکہ اس سے قبل محکمہ موسمیات نے ہفتے کو شہر کے مضافاتی علاقوں میں تھنڈر سیلز بننے کے سبب گرج چمک کے ساتھ درمیانی شدت کی بارش اور آندھی چلنے کی پیش گوئی کی تھی تاہم شہر کے کسی مقام میں بارش رپورٹ نہیں ہوئی۔
ایکسپریس نیوزسے بات چیت میں چیف میٹرولوجسٹ کراچی سردارسرفراز نے کہا کہ اتوار کو بھی شہر میں کوئی بہت زیادہ غیرمعمولی بارش کا امکان نہیں البتہ مغربی سسٹم کے زیراثر ہلکی بارش ہوسکتی ہے۔
انکا کہنا تھا کہ 17 اور 18 اپریل کو ایک دوسرا مغربی سلسلہ کراچی سمیت دیہی سندھ میں بارش کا سبب بن سکتا ہے تاہم اس حوالے سے حتمی پیش گوئی آئندہ 2 سے 3 روز بعد ممکن ہوگی کہ یہ سسٹم کتنی شدت کی بارشیں دے سکتا ہے۔
محکمہ موسمیات کے مطابق مغربی ہواؤں کا نیا سلسلہ ملک کے بیشتر علاقوں پر غالب ہے، دیہی سندھ کے اضلاع جامشورو، دادو، شہید بے نظیرآباد، قمبرشہدادکوٹ سمیت دیگرمیں بھی گرج چمک کےساتھ بارش کا امکان ہے۔
ہفتے کو شہرکا مطلع بیشتروقت جزوی ابرآلود رہا، زیادہ سے زیادہ درجہ حرارت 32.6 ڈگری جبکہ ہوا میں نمی کاتناسب 66 فیصد رہا، دیہی سندھ میں سب سے زیادہ پارہ مٹھی میں 39.5 ڈگری سینٹی گریڈ ریکارڈ ہوا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔