مظفر گڑھ میں کام کے دوران کرنٹ لگنے سے 7 مزدور جاں بحق

مرنے والے تمام مزدوروں کا تعلق ایک ہی خاندان سے تھا اور وہ اوکاڑہ کے رہائشی تھے، ذرائع فوٹو: ایکسپریس نیوز

---

PESHAWAR: ترک کالونی میں کام کے دوران کرنٹ لگنے سے 7 مزدور جاں بحق ہوگئے۔

ایکسپریس نیوز کے مطابق مظفرگڑھ کی ترک کالونی کے لئے گیس سپلائی لائن بچھانے کا کام جاری تھا کہ اس دوران کرنٹ لگنے سے 7 مزدور جاں بحق ہوگئے جن کی شناخت عدنان، جاوید، علی، لیاقت، یاسین اور شہزاد کے ناموں سے ہوئی ہے۔ ذرائع کا کہنا ہے کہ مرنے والے تمام مزدوروں کا تعلق ایک ہی خاندان سے تھا اور وہ اوکاڑہ کے رہائشی تھے جن کی میتیں ان کے آبائی شہر روانہ کردی گئی ہیں۔

دوسری جانب وزیر اعلیٰ پنجاب شہباز شریف نے مزدوروں کی ہلاکت پر افسوس کا اظہار کرتے ہوئے مزدوروں کے ورثا کے لئے 10،10 لاکھ روپے امداد کا اعلان کیا ہے۔