جیکب آباد میں ریلوے اسٹیشن کے قریب نصب بم ناکارہ بناتے ہوئے پھٹ گیا 2اہلکار زخمی

اوڈانو ریلوے اسٹیشن کے قریب بم ناکارہ بناتے ہوئے پھٹنے سے بم ڈسپوزل اسکواڈ کے دو اہلکار زخمی ہوگئے۔


ایکسپریس نیوز کے مطابق شرپسندوں کی جانب سے جیکب آباد کے نواحی قصبے اوڈانو میں ریلوے اسٹیشن کے قریب ریلوے ٹریک پر 3 بم نصب کئے تھے، پولیس نے اطلاع ملنے پر ٹرینوں کی آمد ورفت ملتوی کردی جبکہ بم ڈسپوزل اسکواڈ نے بم کو ناکارہ بنانے کے لئے اپنی کارروائی کا آغاز کردیا، بم ڈسپوزل اسکواڈ کے اہلکاروں نے اپنی مہارت سے 2 بم ناکارہ بنادیئے تاہم تیسرا بم ناکارہ کرنے کی کوشش کے دوران پھٹ گیا، جس سے 2 اہلکار زخمی ہوگئے۔

پولیس کا کہنا ہے کہ زخمیوں کو سول اسپتال جیکب آباد منتقل کردیا گیا ہے جہاں انہیں طبی امداد فراہم کی جارہی ہے۔ واقعے کے بعد گرد و نواح کے علاقے میں شرپسندوں کے خلاف آپریشن شروع کردیا گیا ہے۔