دنیا بھرمیں ہمارے ڈرامے اورموسیقی کی مثال دی جاتی ہے سجاد علی

نوجوانوں سے بہت سی امیدیں ہیں، موسیقی کے شعبے میں معیاری کام ہورہا ہے، گلوکار

Showbiz Reporter June 16, 2014

نوجوانوں سے بہت سی امیدیں ہیں، موسیقی کے شعبے میں معیاری کام ہورہا ہے، گلوکار فوٹو: فائل

گلوکار سجاد علی نے کہاہے کہ نوجوانوں سے بہت سی امیدیں ہیں ہمارے ہاں موسیقی کے شعبے میں معیاری کام ہورہاہے میں جب نئے فنکاروں کو سنتا ہوں توخوشی ہوتی ہے۔

ان خیالات کا اظہار انھوں نے ایکسپریس سے بات کرتے ہوئے کیا۔ ان کا کہناتھاکہ جب بھی پاکستان آتاہوں اچھالگتاہے' ہماری عوام مجھے جس طرح پیارکرتی ہے میں ان کا لفظوں میں شکریہ ادا نہیں کرسکتا۔ ایک سوال کے جواب میں سجادعلی کاکہناتھاکہ ہمیں موسیقی کے شعبے میں آگے بڑھنے کے لیے اساتذہ کے نقش قدم پرچلناہوگااورپاکستان کی میوز ک انڈسٹری نے جتنا کام کیاہے وہ قابل تعریف ہے' دنیا بھر میں ہمارے ڈرامے اور موسیقی کی مثال دی جاتی ہے۔ ان کا مزید کہنا تھا کہ پاکستان کامستقبل روشن ہے اور ہمیں مستقبل میں بہت اچھے فنکارملیں گے' جنھوں نے بہت آگے جاناہے۔