اے آر رحمان کی کال مس کرنے پر پوری رات روتا رہا کپل شرما کا انکشاف
ملک سے باہر تھا اسی لئے فون ریسیو نہ کرسکے، اے آر رحمان فلم ’امر سنگھ چمکیلا‘ کا حصہ بنانا چاہتے تھے، کامیڈین
انڈیا کے لیجنڈری کامیڈین کپل شرما نے کہا ہے کہ وہ عالمی شہرت یافتہ موسیقار اور گلوکار اے آر رحمان کی فون کال مس کرنے پر پوری رات روتے رہے۔
کپل شرما کے مطابق وہ ملک سے باہر تھے اسی لئے فون کو ریسیو نہ کرسکے، اے آر رحمان انہیں فلم 'امر سنگھ چمکیلا' کا حصہ بنانا چاہتے تھے۔
کامیڈین نے بتایا کہ جب بعد میں وہ اے آر رحمان سے ملے تو انہوں نے بتایا کہ وہ انہیں فلم 'امر سنگھ چمکیلا' کیلئے فون کررہے تھے۔
میڈیا ذرائع کے ڈائریکٹر امتیاز علی چاہتے تھے کہ اگر مرکزی کردار کیلئے دلجیت دوسانج دستیاب نہ ہوں تو پھر وہ کردار کپل شرما کو دیا جائے۔