اسپیکر نے انتخابی اصلاحات کمیٹی کے لئے سیاسی جماعتوں سے نام مانگ لیے

وزیراعظم میاں محمد نواز شریف نے اسپیکر قومی اسمبلی سردار ایاز صادق سےانتخابی اصلاحات کے لئے کمیٹی تشکیل دینے کی اپیل کی تھی فوٹو: فائل

---

KARACHI: اسپیکر قومی اسمبلی نے انتخابی اصلاحات کمیٹی کے لئے سیاسی جماعتوں سے ممبران کے نام مانگ لیے۔

مقامی خبر رساں ادارے کے مطابق وزیراعظم میاں محمد نواز شریف نے اسپیکر قومی اسمبلی سردار ایاز صادق سے اپیل کی تھی کہ وہ چیئرمین سینیٹ سے مشاورت کرکے انتخابی اصلاحات کے لئے کمیٹی تشکیل دیں۔ اسپیکر قومی اسمبلی سردار ایاز صادق جلد ہی چیئرمین سینیٹ سید نیئر حسین بخاری سے رابطہ کرکے مشاورت کریں گے، اس کے علاوہ اسپیکر نے پارلیمنٹ میں موجود سیاسی جماعتوں سے انتخابی اصلاحاتی کمیٹی کے لیے نام مانگ لئے ہیں۔