دادو میں زائرین کی بس الٹنے سے 6 افراد جاں بحق 15 سے زائد زخمی

خیرپور ناتھن شاہ کے قریب انڈس ہائی وے پر زائرین کی بس الٹنے سے 6 افراد جاں بحق جبکہ 15 سے زائد زخمی ہوگئے۔


ایکسپریس نیوز کے مطابق جیکب آباد سے لال شہباز قلندر کے عرس ميں شرکت کےلئے سیہون شریف جانے والے زائرین کی بس دادو کی تحصیل خیرپور ناتھن شاہ کے قریب انڈس ہائی وے پر تیز رفتاری کے باعث الٹ گئی۔ حادثے میں 6 افراد موقع پر ہی جاں بحق جبکہ 15 سے زائد زخمی ہوگئے۔ مقامی لوگوں نے میتوں اور زخمیوں کو بس سے باہر نکال کر تعلقہ اسپتال منتقل کردیا گیا جہاں زخمیوں کو طبی امداد فراہم کی جارہی ہے جن میں سے 5 کی حالت تشویشناک ہے۔ پولیس کا کہنا ہے کہ جاں بحق زائرین کی شناخت کے بعد میتوں کو لواحقین کے حوالے کردیا گیا ہے۔

واضح رہے کہ گزشتہ 3 روز میں سندھ کے مختلف علاقوں میں ٹریفک حادثے میں کم از کم 15 افراد جاں بحق ہوچکے ہیں۔