فائرنگ حملے کے بعد سلمان خان نے اپنی پہلی ویڈیو پوسٹ کردی

ویڈیو پوسٹ ہوتے ہی مداحوں کا تانتا بندھ گیا اور وہ اداکار کی سلامتی کیلئے نیک خواہشات کا اظہار کررہے ہیں

ویب ڈیسک April 21, 2024

واقعے کے بعد سلمان کے گھر کے باہر سیکیورٹی بڑھا دی گئی

گھر پر فائرنگ حملے کے بعد بالی وڈ دبنگ اسٹار سلمان خان کی انسٹاگرام پر پہلی پوسٹ سامنے آگئی۔

سلمان خان کے ممبئی والے گھر میں پچھلے ہفتے فائرنگ کی گئی تھی جس میں کوئی جانی نقصان نہیں ہوا اور اداکار کی سیکورٹی بڑھا دی گئی تھی۔

اداکار کو گزشتہ روز ممبئی ائرپورٹ پر دیکھا گیا تھا اور یہ خبر سامنے آئی تھی کہ وہ دبئی جارہے ہیں۔

View this post on Instagram

A post shared by Salman Khan (@beingsalmankhan)

اب سلمان خان نے انسٹاگرام پر اپنی ایک ویڈیو ڈال دی ہے جس میں نظر آتا ہے کہ وہ دبئی کی ایک عمارت کی بالکونی میں موجود ہیں۔

اداکار نے بتایا کہ وہ دبئی میں ایک کراٹے ایونٹ میں شرکت کیلئے آئے ہیں اور ساتھ ہی انہوں نے ایونٹ آرگنائزر سے تعارف بھی کرایا۔

سوشل میڈیا پر ویڈیو پوسٹ ہوتے ہی مداحوں کا تانتا بندھ گیا اور وہ سلمان خان کی سلامتی کیلئے نیک خواہشات کا اظہار کررہے ہیں۔