آئی پی ایل ٹم ڈیوڈ کا چھکا پکڑنے کی کوشش میں تماشائی زخمی ہوگیا
گیند سیدھی تماشائی کے منہ پر لگی جس سے وہ لہولہان ہوگیا
انڈین پریمیئر لیگ کے میچ کے دوران ٹم ڈیوڈ کے چھکے سے اسٹینڈ میں موجود تماشائی منہ پر گیند لگنے سے زخمی ہوگیا۔
ارون جیٹلی اسٹیڈیم میں اتوار کو ممبئی انڈینز اور دہلی کیپیٹلز کے میچ کے دوران اسٹینڈ میں موجود ایک تماشائی نے ممبئی انڈینز کے بیٹسمین ٹم ڈیوڈ کی جانب سے لگایا گیا چھکا کیچ کرنے کی کوشش کی جو اسکو مہنگی پڑگئی۔
گیند کو اپنی طرف آتا دیکھ کر تماشائی نے کیچ لینے کی کوشش کی لیکن گیند اسکے ہاتھوں میں آنے کے بجائے سیدھی چہرے پر جا لگی جس سے اسکا خون بہنا شروع ہوگیا۔
ویڈیو میں دیکھا جاسکتا ہے کہ تماشائی نے نے اپنے چہرے کو اپنے ہاتھوں سے ڈھانپ رکھا ہے اور سیکیورٹی گارڈز اسے طبی امداد کیلئے لے جارے ہیں۔