علم ِفلکیات کی روشنی میں آپ کا یہ ہفتہ

برج حمل
سیارہ مریخ
21 مارچ تا20اپریل
ہفتے کے ابتدائی ایام میں ملک، بیرون ملک اور آپ کو بطورِ تحفہ کچھ تحائف یا کسی بھی صورت میں مالی فائدہ ہوسکتا ہے، آپ کی توانائی کا گراف پہلے کی نسبت خاصا بلند ہے خصوصاً ان افراد کے لیے یہ ایک بہترین ہفتہ ہے جو بیرون ملک کسی بھی طرح سے کام سے منسلک ہیں۔ اس ہفتے کے آخری دو ایام میں کہیں قریبی سفر پہ جانا پڑسکتا ہے۔

برج ثور
سیارہ زہرہ
21اپریل تا 20 مئی
یہ ہفتہ آپ کے لیے اگرچہ مالی لحاظ سے کچھ دباؤ برقرار رکھے گا لیکن آپ اپنے امور کو بہتر انداز میں چلانے کی توانائی اور سمجھ بوجھ میں نظر آتے ہیں ممکن ہے۔ اس ہفتے نیا لباس لیں گھر اور وراثتی امور سے متعلقہ چیزیں آپ کے اعصاب پر سورا رہیں گی، مالی جوڑ توڑ میں موجود الجھاؤ کچھ کم ہوسکتا ہے لیکن نیند ابھی متاثر رہ سکتی ہے۔

برج جوزا
سیارہ عطارد
21مئی تا 21 جون
وہ دوست جس کا رویہ آپ کے لیے الجھاؤ کا سبب بن رہا تھا اب وہ آپ کے ساتھ مخلص نظر آئے گا اور آپ کی قوت کا سبب بھی سکتا ہے۔ آپ کے بیرون ملک سے منسلک امور اور امیدیں بر آتی ہوئی نظر آتی ہیں۔ آپ کا بیرون ملک رشتہ طے پاسکتا ہے یا ایسی کوئی راہ نکل سکتی ہے۔ ایسے میں امیگریشن کے لیے کوشاں ہیں تو اس میں کام یابی مل سکتی ہے۔

برج سرطان
سیارہ قمر
22جون تا 23 جولائی
اس ہفتے میں آپ کی دیرینہ خواہشات پوری ہوتی ہوئی نظر آتی ہیں۔ پرانے دوست، بڑے بہن بھائی اور ماتحت کام کرنے والے افراد آپ کے خوابوں کی تکمیل میں اہم کردار ادا کرتے ہوئے نظر آتے ہیں۔ پیر اور منگل اس سلسلے میں انتہائی اہم نظر آتے ہیں۔ آپ کے کیریئر اور معاشرتی عزت و وقار کے سلسلے میں الجھاؤ اگرچہ کم ہوا لیکن ختم نہیں ہوا اس وقت آپ کا افسر کسی حد تک مطمئن ہے۔

برج اسد
سیارہ شمس
24جولائی تا 23 اگست
آپ کی ترقی اور عزت کا علم بلند ہوتا ہوا محسوس ہوتا ہے۔ افسران آپ پر مہربان اور آپ کافی پرسکون نظر آتے ہیں۔ اچانک بیرون ملک کا سفر ہوسکتا ہے ۔ اس ہفتے آپ کی مالی ترقی بھی نظر آرہی ہے جس کا تعلق آپ کی پیشہ ورانہ محنت سے ہے۔

برج سنبلہ

سیارہ عطارد، 24 اگست تا 23 ستمبر
آپ کا سیارہ ابھی بھی ایک بند کمرے میں ہے۔ تحقیق اور تنہائی میں رہ کے کام کرنے والوں کے لیے معاون وقت ہے۔ اس ہفتے بیرون ملک سے مالی فائدہ ہوسکتا ہے۔ کسی اہم شخصیت سے رابطے کا امکان موجود ہے۔ پیر اور منگل بیرون ملک سے مالی فائدے اور ازدواجی خوشیوں کے لیے اچھے ایام ہیں۔

برج میزان
سیارہ زہرہ 24 ستمبر تا 23اکتوبر
یہ ہفتہ کافی دل چسپ نظر آتا ہے۔ آپ کا وراثت، انشورنس، تحقیق وغورفکر، خزانہ، شریکِ حیات سے مالی فائدہ ہوسکتا ہے۔ چھوٹے اور بڑے بہن بھائی آپ کے ساتھ کھڑے ہیں۔ شریکِ حیات کا رویہ جارحانہ ضرور ہے لیکن یہ سب آپ کے حق میں نظر آرہا ہے۔ ایک اچھا مالی فائدہ ہوسکتا ہے۔

برج عقرب
سیارہ پلوٹو 24 اکتوبر تا 22 نومبر
اس ہفتے آپ کسی محفل میں نظر آتے ہیں جہاں آپ رونقِ محفل ہوں گے۔ آپ کا لباس اور آپ کا مزاج کافی دل کش اور متاثر کُن ہوسکتا ہے۔ آپ کے شریکِ حیات کا مکمل تعاون آپ کو حاصل رہے گا۔ اس ہفتے آپ اپنے کام اور ذمے داریوں میں انتہائی چست اور مستعد دکھائی دیتے ہیں کام بڑھ سکتا ہے۔

برج قوس
سیارہ مشتری ، 23 نومبرتا 22 دسمبر
آپ کا کام کاج اور ملازمت کا خانہ بہت اچھا ہوچکا ہے۔ آپ کو نئی ذمے داریاں مل سکتی ہیں۔ کام کرنے کے حوالے سے جو مشکلات تھیں ان میں آسانیاں نظر آرہی ہیں۔ کچھ دوستوں اور ماتحت کام کرنے والے آپ کے سکون کا باعث ثابت ہوںگے۔ آپ کی تخلیقی صلاحیت متحرک اور منفرد راستے دکھاسکتی ہے۔ نئے معاہدے سوچ سمجھ کے کریں۔

برج جدی
سیارہ زحل ، 23 دسمبر تا 20 جنوری
آتے ہیں غیب سے یہ مضامیں خیال میں، والی کہان بن سکتی ہے بیرون ملک یا اجنبیت کی دھند سے نکل کے سامنے ایسا آسکتا ہے کہ جو آپ کے اعصاب پر سوار ہوسکتا ہے اور آپ محبت، منگنی جیسے ربط میں آسکتے ہیں۔ ایسے وقت میں غیرضروری اور خیالات سے پرہیز کریں۔ آپ جذبات میں بہہ سکتے ہیں۔ تحقیق کے کام سے منسلک افراد کے لیے بہتر وقت ہے۔

برج دلو
سیارہ یورنیس
21 جنوری تا 19 فروری
نئی سواری، نیا مکان یا اسی مکان کی تزئین و آرائش کا موقع مل سکتا ہے۔ اس ہفتے گھر میں کوئی محفل بھی سج سکتی ہے، جس میں اہم شخصیات کی آمد متوقع ہے۔ نیا لباس بھی زیبِ تن کرسکتے ہیں۔ اس ہفتے کہیں نزدیک کا سفر بھی ہوسکتا ہے۔ دورانِ سفر جلدبازی سے گریز کریں۔

برج حوت
سیارہ نیپچون
20 فروری تا 20 مارچ
بڑا مالی فائدہ ہوسکتا ہے۔ کھانے پینے کی چیزیں آپ کے مزاج کے مطابق مل سکتی ہیں۔ سواری کا حصول ہوسکتا ہے۔ سفر ہوسکتا ہے۔ قریبی افراد کے ساتھ تعلق میں خوش گواری کے پھول کھل سکتے ہیں۔ اچھا لباس اور آپ کی گفتگو اور چال ڈھال میں حسن اور نکھار دوسروں کو متاثر کرسکتا ہے۔ اگر آپ ڈراما یا فلم انڈسٹری سے منسلک ہیں تو یہ ہفتہ شان دار ہونے والا ہے۔