اداکارہ جویریہ عباسی نے ’’مسٹری مین‘‘ کے ہمراہ ایک اور تصویر جاری کردی

مداحوں کے سوالات پر اداکارہ کی پُر اسرار خاموشی

ویب ڈیسک May 08, 2024

مداحوں کے سوالات پر اداکارہ کی پُر اسرار خاموشی (فوٹو: ایکسپریس ویب)

پاکستانی شوبز انڈسٹری کی معروف اداکارہ جویریہ عباسی نے ''مسٹری مین'' کے ہمراہ ایک اور تصویر جاری کردی۔

فوٹو اَپ لوڈنگ سائٹ انسٹاگرام اسٹوری پر اداکارہ نے انگوٹھی پہنے مسٹری مین کیساتھ تصویر شیئر کی، اداکارہ کا ہاتھ کسی مرد کے ہاتھ پر رکھا دیکھا جاسکتا ہے، تصویر کو گاڑی میں بیٹھ کر لیا گیا ہے۔

اس تصویر کے منظرِ عام پر آنے کے بعد سے ہی سوالات کیے جارہے ہیں کہ آخر وہ کون شخص ہے جسے جویریہ عباسی نے اپنے ہمسفر کے طو رپر چُنا ہے تاہم اداکارہ نے سوالات پر چُپ سادھ رکھی ہے۔

مزید پڑھیں: جویریہ عباسی کی دوسری شادی کی خبریں زیرِ گردش

گزشتہ دنوں اداکارہ نے اپنی رِیل کے ذریعے اپنی زندگی کے نئے سفر کے آغاز کی جانب ایک اشارہ دیا تھا۔

اس ویڈیو کے کیپشن میں جویریہ عباسی نے انگریزی لفظ 'بیگننگ' یعنی 'آغاز' لکھا تھا اور ویڈیو پر بھارتی گلوکار انوو جین کا گانا ' الگ آسمان' لگایا تھا۔
واضح رہے کہ جویریہ عباسی نے 1997 میں اداکار شمعون عباسی سے شادی کی تھی جبکہ 2009 میں ان دونوں کی طلاق ہو گئی تھی۔