لاہور میں سفاک ماموں نے بھانجے کو ذبح کردیا
نشے کے عادی شخص نے ساتھ رہنے کی رنجش پر بہن کو بھی چھریوں کے وار سے زخمی کردیا
May 08, 2024
نواب ٹاؤن میں نشے کے عادی ماموں نے گھریلو رنجش پر بھانجے کو گلا کاٹ کر قتل جبکہ بہن کو چھریوں کے وار سے زخمی کردیا۔
پولیس حکام کے مطابق نواب ٹاؤن کے علاقے سمسانی گاؤں میں ایک گھر میں ساتھ رہنے کی وجہ سے بہن اور بھانجے پر چھری سے حملہ کیا۔
نشے کے عادی ملزم علی حیدر نے تین سالہ بھانجے کا گلا کاٹا جس کے نتیجے میں وہ موقع پر ہی جاں بحق ہوگیا جبکہ ملزم نے اپنی بہن کو چھریوں کے متعدد وار کر کے زخمی کیا۔
واقعے کے بعد پولیس کی نفری جائے وقوعہ پہنچی اور زخمی و جاں بحق بچے کی لاش کو اسپتال منتقل کیا۔ پولیس کے مطابق ملزم واقعے کے بعد فرار ہوگیا جس کی گرفتاری کے لیے چھاپے مارے جارہے ہیں۔