کامیاب کپتان بننے پر بابراعظم کو چیئرمین کی جانب سے شرٹ کا تحفہ

آئرش ٹیم کے خلاف کامیابی پر دیگر کھلاڑیوں کو بھی محسن نقوی نے گلے مل کر مبارکباد دی

Sports Desk May 14, 2024

آئرش ٹیم کے خلاف کامیابی پر دیگر کھلاڑیوں کو بھی محسن نقوی نے گلے مل کر مبارکباد دی۔ فوٹو: پی سی بی

کامیاب کپتان بننے پر بابراعظم کو چیئرمین پی سی بی کی جانب سے شرٹ کا تحفہ پیش کیا گیا ہے۔

پی سی بی کے چیئرمین محسن نقوی نے ٹی 20 انٹرنیشنل کرکٹ میں سب سے کامیاب کپتان بننے پر بابراعظم کو شرٹ کا خصوصی تحفہ پیش کیا، وہ ان دنوں ڈبلن میں ہی موجود ہیں جہاں پر پاکستان ٹیم نے دوسرے ٹی 20 میں آئرلینڈ کو 7 وکٹ سے شکست دی، یہ بابراعظم کی بطور کپتان مختصر فارمیٹ میں 45 ویں کامیابی ہے، اس طرح انھوں نے دنیا کے کامیاب ترین ٹی 20 کپتان کا اعزاز حاصل کرلیا۔

یہ بھی پڑھیں: بابر اعظم دنیا کے کامیاب ترین ٹی 20 کپتان بن گئے

محسن نقوی نے شاہین شاہ آفریدی کو بھی انٹرنیشنل وکٹوں کی ٹرپل سنچری مکمل کرنے پر بھی خصوصی شرٹ کا تحفہ دیا۔ اس موقع پر آئرش ٹیم کے خلاف کامیابی پر دیگر کھلاڑیوں کو بھی انھوں نے گلے مل کر مبارکباد دی۔