جنوبی وزیرستان میں جے یو آئی ف کے سینیٹر صالح شاہ کا بیٹا فائرنگ سے جاں بحق

جنوبی وزیرستان کا علاقہ پولیٹیکل انتظامیہ کے زیر اثر آتا ہے اور یہاں پولیس کی عمل داری نہیں ہے. فوٹو: ایکسپریس/فائل

---

وانا میں جمعیت علمائے اسلام فضل الرحمٰن کے سینیٹر مولانا صالح شاہ کے بیٹے شمس الاسلام کو فائرنگ کر کے قتل کر دیا گیا۔

ایکسپریس نیوزکے مطابق سینیٹر مولانا صالح شاہ کے بیٹے شمس الاسلام جنوبی وزیرستان کے علاقے وانا سے ٹانک آرہے تھے کہ نا معلوم افراد نے ان پر فائرنگ کر دی جس کے نتیجے میں وہ موقع پر ہی جاں بحق ہو گئے۔

واضح رہے کہ جنوبی وزیرستان کا علاقہ پولیٹیکل انتظامیہ کے زیر اثر آتا ہے اور یہاں پولیس کی عمل داری نہیں ہے تاہم پولیٹکل انتظامیہ کی جانب سے تاحال کوئی بیان جاری نہیں کیا گیا ہے۔