لاہورمیں نہر میں نہاتے ہوئے 2 بچے ڈوب کر جاں بحق

حادثے میں جاں بحق ہونے والے بچوں کی تاحال شناخت نہیں ہو سکی ہے۔ فوٹو؛ فائل

---

ہربنس پورہ میں 2 بچے نہر میں نہاتے ہوئے ڈوب کر جاں بحق ہو گئے۔

ایکسپریس نیوز کے مطابق لاہور کے علاقے ہربنس پورہ میں نہر میں نہاتے ہوئے 2 بچے ڈوب کر جاں بحق ہو گئے۔ امدادی ٹیموں نے ایک بچے کی لاش نکال لی ہے جب کہ دوسرے کی تلاش کا کام جاری ہے۔ حادثے میں جاں بحق ہونے والے بچوں کی تاحال شناخت نہیں ہو سکی ہے۔

واضح رہے کہ لاہور سمیت ملک بھر میں جاری گرمی کی شدید لہر کے باعث عوام کی بڑی تعداد دریاؤں، اور نہروں اور سمندرکا رخ کر لیتی ہے۔