لاہور بیوٹی پارلر میں خواتین کی نیم برہنہ تصاویر بنانے پر مقدمہ درج
بیوٹی پارلر مالکن کے موبائل سے متعدد لڑکیوں کی نیم برہنہ تصاویر برآمد
بیوٹی پارلر میں خواتین کسٹمرز کی نیم برہنہ تصاویر بنانے پر لاہور میں مقدمہ درج کرلیا گیا۔
نواب ٹاؤن میں بیوٹی پارلر کی مالک کے خلاف دو لڑکیوں کی نازبیا تصاویر بنانے کا مقدمہ درج کیا گیا، دونوں لڑکیاں اریبہ شفیق بیوٹی پارلر میں اسکن پالش کروانے گئی تھیں۔
بیوٹی پارلر کی مالکن رخسانہ نے موبائل فون سے دونوں لڑکیوں کی اسکن پالش کے دوران نیم برہنہ تصاویریں بنائیں۔
ایف آئی آر کے مطابق بیوٹی پارلر مالکن کے موبائل سے پارلر میں آنے والی متعدد لڑکیوں کی نیم برہنہ تصاویر برآمد ہوئیں۔
ملزمہ رخسانہ نے مختلف واٹس ایپ گروپس میں بھی تمام تصاویریں شیئر کیں۔ سائبر کرائم یونٹ لاہور نے تحقیقات مکمل ہونے پر تھانہ نواب ٹاون میں مقدمہ درج کروایا۔
مقمدمہ ابتدائی طور پر پیکا ایکٹ کے تحت درج کیا گیا تھا تاہم بعد میں پولیس نے مذکورہ دفعات حذف کرتے ہوئے کہا کہ ملزمہ کیخلاف تعزیرات پاکستان کی دفعات کے تحت انویسٹی گیشن کی کارروائی یکسو کی جائے گی۔