ISLAMABAD:
کراچی کے علاقے گلستان جوہر میں شہریوں نے 7 ڈاکوؤں کو واردات کرتے پکڑ لیا اور خوب پٹائی لگانے کے بعد پولیس کے حوالے کردیا۔
ایکسپریس نیوز کے مطابق گلستان جوہر میں شہریوں سے موٹر سائیکلیں چھیننے والے 7 ڈاکوؤں میں 2 کم عمر ملزم بھی شامل تھے جو شہریوں سے موٹرسائیکل چھیننے کی کوشش کر رہے تھے کہ اس دوران علاقہ مکینوں نے جرأت کا مظاہرہ کرتے ہوئے ساتوں ملزمان کو پکڑ لیا اور خوب پٹائی کی، واقعہ کی اطلاع ملنے پر پولیس بھی موقع پر پہنچ گئی اور مشتعل اہل علاقہ سے مذاکرات کے بعد ملزمان کو حراست میں لے لیا۔
پولیس کے مطابق 7 افراد پر مشتمل ڈکیتوں کے اس گروپ میں 2 کم عمر ملزمان ڈکیتی سے قبل ریکی کیا کرتے تھے جبکہ ملزمان جن موٹرسائیکلوں پر سوار تھے ان پر پولیس کی نمبر پلیٹ لگی تھی۔