بھارتی ٹیم کی کوچنگ رکی پونٹنگ نے بڑا انکشاف کردیا

بی سی سی آئی نے سابق آسٹریلوی کپتان سے رابطہ کرلیاؤ

ویب ڈیسک May 23, 2024

بی سی سی آئی نے سابق آسٹریلوی کپتان سے رابطہ کرلیا (فوٹو: ایکسپریس ویب)

سابق آسٹریلوی کپتان رکی پونٹنگ نے انکشاف کیا ہے کہ بھارتی کرکٹ بورڈ (بی سی سی آئی) نے انہیں ہندوستانی ٹیم کا ہیڈکوچ بنانے کی آفر کی تھی۔

بطور ہیڈکوچ سابق کپتان راہول ڈریوڈ ٹی20 ورلڈکپ آخری اسائنمٹ ہے بعدازاں انکی جگہ نئے کوچ کا تقرر کیا جائے گا، جس کی تلاش کیلئے بورڈ نے سابق کرکٹر رکی پونٹنگ سے بھی رابطہ کیا۔

آئی پی ایل میں دہلی کیپٹلز کی کوچنگ کے فرائض سرانجام دینے والے رکی پونٹنگ نے کہا کہ فل ٹائم کوچنگ میں دلچسپی نہیں رکھتا تاہم فرنچائز سطح پر کوچنگ کیلئے دستیاب ہوں۔

مزید پڑھیں: پی ایس ایل کا مذاق؛ بھارتیوں کے پیروں تلے زمین نکلنے لگی

انہوں نے کہا کہ قومی ٹیم کا ہیڈکوچ بننا 10 یا 11 ماہ کا کام ہے اور یہ میری طرز زندگی میں فٹ نہیں ہوسکتا، جس سے میں لطف اندوز ہوں۔

بھارتی ٹیم کی کوچنگ کیلئے دیگر ناموں میں اسٹیفن فلیمنگ، اور گوتم گمبھیر شامل ہیں تاہم رکی پونٹنگ بطور ہیڈکوچ ذمہ داری لینے کو تیار نہیں ہیں۔