سونے کی قیمت 900 روپے کے اضافے سے 49500 روپے تولہ ہوگئی

دس گرام چاندی کی قیمت 4.28 روپے بڑھ کر630 روپے ہوگئی۔ فوٹو: فائل

---

بین الاقوامی بلین مارکیٹ میں فی اونس سونے کی قیمت 28 ڈالر کے اضافے سے 1309 ڈالر کی سطح پر پہنچنے کے باعث مقامی صرافہ مارکیٹوں میں بھی جمعہ کو فی تولہ اور فی دس گرام سونے کی قیمتوں میں بالترتیب 900 اور771 روپے کا اضافہ ہوگیا ہے۔

جس کے نتیجے میں کراچی حیدرآباد سکھر ملتان فیصل آباد لاہوراسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر49500 روپے اور فی دس گرام سونے کی قیمت بڑھ کر42428 روپے ہوگئی، اسی طرح فی تولہ چاندی کی قیمت 5 روپے کے اضافے سے 735 روپے اور فی دس گرام چاندی کی قیمت 4.28 روپے بڑھ کر630 روپے ہوگئی۔