ٹی20 ورلڈکپ میں کون کون سی ٹیمیں اَپ سیٹ کرسکتی ہیں گلکرسٹ نے بتادیا

سابق آسٹریلوی کرکٹر کا چھوٹی ٹیموں سے خبردار رہنے کا اشارہ (فوٹو: ایکسپریس ویب)

---

سابق آسٹریلوی اوپنر و کمنٹیٹر ایڈم گلکرسٹ نے ٹی20 ورلڈکپ 2024 میں چھوٹی ٹیموں سے خبردار کردیا۔

مقامی ریڈیو پروگرام کو انٹرویو دیتے ہوئے سابق آسٹریلوی کرکٹر نے کہا کہ رواں ورلڈکپ سیزن بڑی ٹیموں کیلئے خطرناک ثابت ہوسکتا ہے کیونکہ نیپال، نیدرلینڈز اور امریکا کی ٹیمیں پریشان کرنے کی اہلیت رکھتی ہیں۔

انہوں نے کہا کہ مجھے لگتا ہے کہ نیپال کی ٹیم مختصر ترین فارمیٹ میں شاٹ فائر کرنے کی صلاحیت رکھتی ہے، انکے پاس ایسے نوجوان کرکٹرز ہیں جو کئی سالوں سے بڑی لیگز کا حصہ رہے ہیں۔

مزید پڑھیں: ڈیلاس میں بابر اعظم کی سنیل گاوسکر سے ملاقات، مختصر گفتگو

گلکرسٹ نے کہا کہ نیدرلینڈز کی ٹیم بھی ایونٹ میں خطرناک دیکھائی دے رہی ہے، ان کے پاس جونئیر و سینئیر کرکٹرز کا اچھا کمبینیشن موجود ہے اور وہ بڑی ٹیموں کو ٹکر دے سکتے ہیں۔

مزید پڑھیں: '' جو ملک کیلئے 10 کلو وزن کم نہیں کرسکتا، وہ انٹرنیشنل میں نہیں چل سکتا ''

اسی طرح امریکی ٹیم کا ذکر کرتے ہوئے سابق آسٹریلوی کرکٹر نے کہا کہ بنگلہ دیش کیخلاف امریکا نے سیریز میں فتح سمیٹ کر کئی ٹیموں کیلئے سائرن بجادیا ہے کہ وہ کمزور حریف نہیں ہیں۔

واضح رہے کہ ٹورنامنٹ کے افتتاحی میں میزبان امریکا نے کینیڈا کو 7 وکٹوں سے شکست دی، امریکی ٹیم ڈلاس میں ہی پاکستانی ٹیم کیخلاف جمعرات کو مدمقابل آئے گی۔