گلوکار ارشد محمود کانعتوں کا پہلا آڈیو وڈیو البم مکمل

ملک کے معروف گلوکار ارشد محمود جن کے بے شمار گیت سپر ہٹ ہوئے گزشتہ دنوں انھوں نے پہلی مرتبہ نعتوں کا البم تیار کیا ہے ۔


جس کی آڈیو ریکارڈنگ مکمل ہوچکی ہے جب کہ اس البم کی وڈیو چند روز میں مکمل کرلی جائے گی۔ ''ایکسپریس'' سے بات کرتے ہوئے ارشد محمود نے کہا میں نے بے شمار فلمی اور غیر فلمی گیت گائے ہیں لیکن میری خواہش تھی کہ میں نعتوں کا کوئی البم بھی تیار کروں ، گزشتہ دنوں آصف ہیرا نے میری نعتوں کے البم کی تیار کرکے یہ خواہش پوری کردی ،''سرکار کے قدموں'' کے عنوان سے تیار ہونے والے اس البم کو عادل صدیقی نے ڈائریکٹ کیا ہے جسے ہیرا کی جانب سے رمضان سے قبل ریلیز کردیا جائے گا۔

انھوں کہا یہ میرے لیے بہت بڑا اعزاز ہے کہ حضورؐ کواپنی آواز میں ہدیہ عقیدت پیش کرنے کا موقع ملا،مجھے امید ہے کہ آڈیو اور وڈیو میرے پرستاروں کو بھی پسند آئے گا،انھوں نے کہا کہ اس البم کی تیاری کے بعد جلد مزید نعتیہ البم تیار کروں گا۔