جنرل راشد محمود کا دورہ امریکا اعلیٰ فوجی اور حکومتی عہدیداروں سے ملاقاتیں

جوائنٹ چیفس آف اسٹاف کمیٹی جنرل راشد محمود نے امریکی فوج کے چیرمین جوائنٹ چیفس آف اسٹاف جنرل مارٹن ڈیمپسی سمیت دیگر فوجی حکام اور حکومتی عہدیداروں سے ملاقاتیں کی ہیں۔


پاک فوج کے شعبہ تعلقات عامہ (آئی ایس پی آر) کے مطابق جنرل راشد محمود نے اپنے دورہ امریکا کے دوران چیرمین جوائنٹ چیفس آف اسٹاف جنرل مارٹن ڈیمپسی اور کمانڈر امریکی سینٹرل کمانڈ جنرل لیوڈ آسٹن سمیت دیگر فوجی حکام اور حکومتی عہدیداروں سے ملاقاتوں کے دوران خطے کے سیکیورٹی سے متعلق امور، دہشت گردی کے خلاف جاری جنگ، دفاع اور دوطرفہ فوجی تعاون کے فروغ سمیت افغانستان کی صورتحال پر بھی بات چیت کی گئی۔